បេីកកាណូតបុកមនុស្សស្លា…ប់ បង្វែរសាច់រឿងទៅជាករណីចោរកម្ម និងព្យាយាមបដិសេធកំហុសរបស់ខ្លួន ពេលនេះសមត្ថកិច្ចរកជនសង្ស័យឃេីញហេីយ ដេីម្បីផ្តល់ពន្លឺយុត្តិធម៌ជូនគ្រួសាររងគ្រោះ ។
KCSM2025-09-26 05-04pm
(កំពង់ឆ្នាំង) នៅវេលាម៉ោង១២និង១៥នាទីរសៀល ថ្ងៃទី២៦ ខែកញ្ញា ឆ្នាំ២០២៥ លោកឧត្តមសេនីយ៍ត្រី ពីង ពៅ ស្នងការរងទទួលផែនចរាចរណ៍ បានអោយដឹងថា ក្រោមការដឹកនាំដោយផ្ទាល់ ពីសំណាក់ឯកឧត្តម ឯក ស៊ុន រស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង បានដឹកនាំកម្លាំងជំនាញ ដើម្បីស្រាវជ្រាវរកភស្តុតាងដាក់បន្ទុកទៅលើជនសង្ស័យដែរ បើកកាណូតលឿនបង្កគ្រោះថ្នាក់ បុកមនុស្សស្លាប់ ហើយព្យាយាមបង្វែរសាច់រឿង ភូតកុហកសមត្ថកិច្ច ពីករណី បុកមនុស្សស្លាប់ទៅជារឿងចោរកម្មវិញ។
ក្នុងប្រតិបត្តិការ ស្វែងរកភស្តុតាង ដេីម្បីដាក់បន្ទុកលើ ជនសង្ស័យនេះ សមត្ថកិច្ចជំនាញប្រើរយៈពេល០៤ថ្ងៃ ក្នុងការប្រមូលភស្តុតាង ។
ជនសង្ស័យជាម្ចាស់ទូកបង្កមាន ឈ្មោះ ហែម សៀងហៃ អាយុ៣១ឆ្នាំ រស់នៅភូមិកណ្តាល សង្កាត់ផ្សារឆ្នាំង ក្រុងកំពង់ឆ្នាំង មុខជាងធ្វើម៉ាស៊ីន និង ទូក រស់នៅភូមិកណ្តាល សង្កាត់ផ្សារឆ្នាំង ក្រុងកំពង់ឆ្នាំង និងជាម្ចាស់ទូកបង្កហេតុ ។
នៅចំពោះមុខសមត្ថកិច្ចជំនាញ ជនសង្ស័យបានសារភាពថា នៅថ្ងៃកេីតហេតុកាលពីថ្ងៃទី២៣ ខែកញ្ញា ឆ្នាំ២០២៥ រូបគេពិតជាបានបេីក កាណូតរបស់ខ្លួនបង្កគ្រោះថ្នាក់ ទៅបុកកាណូតជនរងគ្រោះ ឈ្មោះ ខោល សុវណ្ណរាជ អាយុ១៤ឆ្នាំ រស់នៅភូមិអន្លុងកញ្ចុះ ឃុំប្រឡាយមាស ស្រុកកំពង់លែង បណ្តាលអោយជនរងត្រូវស្លាប់ចាក់ម៉ាស៉ីន កាប់សុះខ្លួនធ្លាក់ទឹកស្លា..ប់ ពិតប្រាកដមែន ។
ក្រោយបង្កហេតុ រូបគេបានយកកាណូតរបស់ខ្លួនទៅផ្ញើអ្នកស្គាល់ម្នាក់ទៀតរស់ នៅក្នុងឃុំឆ្នុកទ្រូ ស្រុកបរិបូណ៌ ហើយបានមកប្តឹងនគរបាលប៉ុស្តិផ្សារឆ្នាំងថា មានចោរលួចកាណូតរបស់ខ្លួនទៅវិញ។
បច្ចុប្បន្នជនសង្ស័យ និង វត្ថុតាង ត្រូវបានសមត្ថកិច្ចជំនាញ កសាងសំណុំរឿង បញ្ជូនទៅកាន់ អយ្យការអមសាលាដំបូងខេត្តកំពង់ឆ្នាំង ចាត់ការបន្តនិតិវិធីច្បាប់។